Apple Tam的關島免執照體驗潛水評論分享

謝謝靚女珊珊做我既教練, 令我鍾意左關島! 我只係上網報名, 最開心係估唔到珊珊接我時, 直接稱呼我個英文名, 好親切呀!
開始時, 播下音樂比大家聽, 令我好輕鬆! 落水前影相, 無諗過成班靚仔教練同我影相, 等我無咁尷尬! (雖然我無咩所謂)你地太細心! 謝謝!
落水時, 檢查步驟好細心, 令到大家安全落水!珊珊好細心, 好好人, 一直拖住我去潛水, 欣賞海星, 海參, 連最難得既海龜都見到!
我時常耳鳴, 珊珊不斷好多次耐心教我點處理? 不斷耐心地鼓勵我, 令我好快OK無事, 再繼續深潛!
我時常去海族館睇玻璃窗內既潛水員鍡魚, 好羨慕, 今次珊珊帶我潛去魚眼公園的海底塔下鍡魚, 好好好多魚游埋黎, 珊珊仲扮左好驚訝咁同魚眼公園玻璃窗內既日本小朋友打招呼, 我又一齊揮手打招呼, 真係好有趣, 同埋永遠記得珊珊個可愛樣子!
海既能見度比想像中清, 而且好多大魚, 最難得係見到好少露面既海龜! 我地真幸運!
珊珊成日問我OK 嗎? 好細心!
好開心有個好細心, 對海洋熱情爆炸既靚女教練! 妳令我感到對工作, 海洋世界既熱情, 令我都鍾意左關島既海洋世界!
有機會再飛, 我會再參與你地公司去潛水!